كلنا خالد سعيد

انتشر جروب كلنا خالد سعيد علي الفيس بوك بسرعة البرق ياتري ليه
- هل لان خالد شاب زيهم ( ما اظنش )
- ياتري الكبت ولد الانفجار جواهم ( احتمال )
- احنا خلاص زهقنا فعلا والخوف مبقاش المسيطر علينا ودلوقت بنتصرف بيأس يا تصيب يا تخيب ( هو ده الاحتمال الارجح )
- ايه اللي بيحصل حاجات كتير بتحصل بس ياتري ح يكملوا والا الموضوع شويه وينام كالعادة
اعتقد شويه وينام ما كتير جرايم زي دي مرت ونامت
لا حول ولا قوة الا بالله ......
ايه اللي بيحصل واخدين البلد دي علي فين .... حرام بقي ....
كل اللي فات ده قليل من كثير بيدور داخل عقول كتير من المصريين سواء شباب او شيوخ والمصيبة حتي الاطفال عارفين وفاهمين والحمد لله رافضين سياسة القهر والاذلال

حقيقي لما بشوف صورة خالد مع اني ما اعرفوش باحس بالم ودموعي بتغلبني مهما كان الفيديو اللي كان معاه مهما اظهر من فساد شرطتنا .. يستحق عليه خالد الموت ؟!!!!!! دي روح ونفس ازاي قدروا بوحشية يضربوه ازاي قدروا يقتلوه ازاي نسوا ان فيه الله الذي يعز ويذل .... لا حول ولا قوة الا بالله للدرجة دي بقينا بعيد عن ديننا وتعاليمة بقت نفوسنا جاهلية بربريه لا ترحم .... الحمد لله انهم مبشرون بأن من لا يرحم لا يُرحم ....
يارب يارب يارب مالنا سواك اللهم اكشف الغمة ....
ايه اللي بيحصل في البلد دي .... اتحداكم حد يجاوب علي سؤالي ..... هي دي بلدنا صاحبة التاريخ والمواقف والريادة !!!!!!!!!!!!! مش ممكن!!!!!
هي دي البلد اللي في حقبة من حقب التاريخ الكل كان بيأتمر بأمرها وينطاع لها والكل بيشورها وينصاع لها .....!!!!!!!!!!!! مش ممكن
ايه اللي وصلنا لكده ... ليه اصبح المصري جوه بلده رخيص ونلوم غيرنا انه بيهينا ويعاملنا كاننا عبيد او اقل درجة ....... مالناش كرامه ولا سعر في بلدنا عاوزين غيرنا ازاي يحترمنا .... هي دي بلد الازهر ...مش ممكن ..... يا بشر بادور علي بلد كان اسمها مصر بلد الامن والامان بلد الريادة والتقدم بلد الحرية والحركات السياسية والنصرة للكل بدور علي الاخت الكبري لكل الدول العربية اللي يلاقيها يقولي مكانها بس مكان معلوم مش علي صفحات التاريخ ....ليه نسيوا مصر 48 وموقفها ومقاتليها في فلسطين ؟ ما همه لازم ينسوا لما يلاقوا المعبر بيتقفل والاطفال بيموتوا والجدار بيتبني لازم ينسوا ... لا مش لازم تنسوا ان مصر هي مصر والفرق في الحكومه والحاكم مش في مصر
مصر نيل وشعب ما اتغيروش ولا ح يتغيروا لكن للاسف احنا بنتحاسب بافعال حكومة وافراد واحنا كلنا مش الحكومه ..... مصر هي مصر في قلبي وقلوب ملايين عايشة وح تفضل مهما اهانونا حكامنا قدام العالم لازم يجي يوم ترجع مصر لانها كانت و حتفضل ارض العروبه ومالناش غير دعوة واحدة
حخسبنا الله ونعم الوكيل فيكم يا اللي عارفين نفسكم كويس

قانون الرسوم الجديد ........... أه يا أمه أه و أه يا ابا ....

المكان ........

 بهو محكمة ما  في أحد  مدن جمهورية مصر العربية 

  الساعة الحادية عشر ظهرا

أحد المواطنين مصدوم فاتحا فاه ...  وعيناه  تكادان تقعان ارضا...بعد  دقائق أفاق وبدأ يتمتم كالمجنون :-

يا لهوي ( الكلام للرجل ) يا خرابي ....  جبتك يا عبد المعين تنصفني لقيتك مفتري وظالم وبتطحني .....  أنا أكلت ايه عشان اشرب عليه ميه ..  يا دولة ظالمة ... أروح لمين ياخدلي حقي؟  ...  انت المنتقم يارب ...  ماتهديهمش لا هدهم يااااارب واخسف بيهم الارض ... خدهم اخد عزيز مقتدر يارب بظلمهم ولع فيهم .........

- بصراحة المنظر شدني  .. قربت من الراجل شبه المجنون ده مظهره يوحي بانه رجل محترم – لا بيهش ولا بينش – وزاد داخلي الفضول – حكم المهنة –

وسالت نفسي سرا :

يا تري يا عم الحاج إيه اللي طير عقلك ...أنا عارفة ان اللي يدخل المحكمة لازم يأمن علي عقله واهي فرصة شركات التأمين تعمل شغل

بصراحة حسيت اني عاوزة اضحك.... جيت اضحك حسيت بغصة ومرارة وألم   من حال الرجل .... وقعدت افكر اروح اساله مااروحشي ؟ شكله وتخاريفه زادوا الفضول جوايا ...

  المهم من غير ما  اطول عليكم – بس وحياتي ماتحلفونيش اني اطول -   حطيت ايدي علي كتفة :- 

سلامتك يا عم الحاج ..  خير فيه حاجة ضايعة منك؟؟؟؟؟؟؟؟

استدار ليواجهني وليته ما استدار  .. الألم ممزوج بالذعر والقهر والحزن والهلع مشاعر مختلطة ادمت قلبي وكانه خرج من فيلم رعب  ....

هو رجل في العقد السادس دموعه تملاء عيونه .... وفوجئت به تنسال دموعه كالاطفال  فاخذت بيده وانتحينا جانبا في غرفة المحامين وطلبت له شاي ...... وسألته وفضولي تحول الم لمظهرة الذي يرثي له :-

فيه ايه يا حجيج مالك .....  بشويش علي نفسك كله يهون وان شاء الله كل شئ له حل

- يهون ازاي يا استاذة ؟؟

- طيب فيه ايه احكيلي وان شاء الله خير

- ياااااارب ... انت القوي علي كل ظالم ......أأقولك ايه يا بنتي  ... أنا موظف حكومي عندي 58 سنة وعندي ثلاث اولاد في مراحل التعليم المختلفة .. قلت في يوم كلمة حق في وجه ظالم ..بعت فيه شكاوي وبهدلني وسبني علنا وفي شكاوي رسمية وعملي محاضر و التحقيقات اثبتت براءتي تماما واثبت التحقيق تجاوزاته ومع ذلك اتحفظت الشكاوي ... فلجأت للمحكمة اطلب حقي بالتعويض عن الايام السوده اللي عشتها بسببه انا واولادي ...  كان لازم  اعمل كده ده وراني الويل .. رفعت دعوي تعويض القاضي حجزها للحكم في تاني جلسة .. قلت يا كريم يارب  فرجكك قريب ....  لكن  في الحكم رفضت المحكمة دعوتي   وقالولي المحامين ده اتجاة عام رفض القضايا لان الشكوي حق مكفول للجميع .... 

يعني يطلع عين اللي خلفوني ويبهدلني وتثبت براءتي وماليش حق اخد حقي لان الشكوي حق مكفول للجميع ..... يا لهوي طب الشكوي الكيديه ايه عقابها ؟....  قالولي استأنف ....  قلت  لما اسال فعرفت ان القانون الجديد رفع الرسوم بيني وبينك قلت الـ200 او الـ 300 جنيه الولاد اولي بيهم وعوضي علي الله وحسبي الله ونعم الوكيل ورفضت استأنف ...وبعد  اسبوع من ميعاد الاستئناف لقيت محضر محكمة جاي وجايبلي اعلان من المحكمة بفرق رسم !!!!!!!!! 

- خير يا سيدنا ؟

- عليك فرق رسم للمحكمة

- ليه ؟ وبتاع ايه ؟

- عشان دعوي التعويض بتاعتك اللي اخدت رفض

- طيب ما هي خدت رفض وانا لا أخدت أبيض ولا أسود 

- مسح راسه القرعه وقالي بعد مانفخ خدوده ورجع للوراء :-

             قانون الرسوم الجديد يا سيدنا بيعتبر الرفض للدعوي زي خسرانك للقضية وينحسب عليك فرق رسم نسبي وخدمات طبعا انت مش فاهم حاجة باختصار علي كل 1000 جنيه حتدفع حوالي 70 جنيه فرق رسم نسبي وخدمات لانك خسرت دعواك – حسيت انه يقصديقولي عشان تحرم يا مواطن يا  متعوس تقول حقي لازم تتعلم تبلع لسانك جتك قطعه ولا تقولي حق ولا باطل – هو قالي علي الرسم وانا شفت النجوم في عز الظهر   ... ياااااااالهووووووووووي...... ده انا رفعت الدعوي بـ 600000 الف جنيه..... قلت ابحبح والمحكمة تحكم براحتها.... يعني ح ادفع كام ؟!!!!..... يا خرابي حوالي 40000  الف جنيه..... ده انا لو معايا المبلغ ده كنت قدمت استقاله ...... انا جيت اقول انجدوني وهاتولي حقي لقيتكم بتفرموني وتطحنوا عظمي ......  أجيب منين   ........ أروح فين واجي منين دليني يا استاذة  ينوبك ثواب ؟؟؟

- المرة دي بقي الدور عليه انا اتصدم ..... أأقوله ايه -  الكلام ده بيني وبين نفسسي – أدلك طيب ازاي  ده انا لو شرحت لك الوضع ممكن تموت فيها  ..... أأقولك إيه ...... يا عم الحاج ده انت قدامك حلول احلاها علقم 

 إما تدفع خلال ثمانية ايام وفي الحالة دي بيعتبروها مصالحة وتدفع ثلثي المبلغ فقط .......أو تقسط .......وابقي قابلني لو سددت لانه بظروفك دي مش حتدفع....... والمحضرين يبهدلوك تبديدات........ والسجن مستنيك تاكل وتشرب وتلبس ببلاش...... وعيالك يموتوا ضياع .......وكرامتك مش بس تنهان.......لا دي ح تنداس...... ولقيتني وانا بافكر في سري باقول لنفسي : يا لهوي ده أنا اللي ح اقول بالهوي بجد ...... ده انت قهرتني يا عم الحاج ...... أأقولك ايه بس ؟!!!!!

ولقيتني باسالة :-

تقدر تدفع حاجة من الفلوس دس ؟

- ابتسم قهر وبمرارة رد :

منين ما انتي عارفة البير وغطاه كل الموظفين في الهوا وحباله الدايبة متعلقين

- طيب مفيش غير حل واحد......... تقدم تظلم من الرسوم لرئيس القلم.... وهو ح يعرضه علي رئيس المحكمة ......ويحدد له جلسة وانت وبختك وحكم القاضي مفيش غير كده وهو ده الحل العلقم

سكت..... وسكت.... وسكت وقالي:- 

الله المستعان وقام ومشي وهو بيقول حسبي الله ونعم الوكيل

 وقعدت لوحدي ااقول في سري :-

يالهوي يا خراب بيتك يا اللي تقول حقي وكرامتي ............. حقكك ؟- جاك كسر حقكك ........

وافتكرت اغنية أه يا أمه أه وأه يا ابه ده قانون ...................؟ 

وسلملي علي قانون الخراب الجديد

عفوا

قانون الرسوم الجديد

     

في ساحات القضاء ..... عوالم اخري لا نراها الا هناك

لا احب الاغاني بشكل عام  .... 
ولكن لفت نظري في المواصلات أغنيه غريبه  اسمها..... محكمة 

شدتني الكلمات ..... 
بحثت عنها في عالم النت  ورايت تصويرها  ....
ولاول مرة رغم انها اغنيه شعبيه جدا   ..... 
الا انني رايت فيها جزء من الواقع وان  كان الواقع افظع وأمر .......

 محكمة .......... 
وما أدراكم ما  المحكمة...... 
وما يدور في اروقة المحاكم   ...... 
من رشاوي للموظفين وأمناء السر  والعمال .....
عالم من الفساد مستتر بين جدران المحكمة ............
  ومهما جاء الشرفاء ليضربوا بيد من حديد .....
وحتي وان زُج بأحد المرتشين في غياهب السجون   ...
يولد غيره وغيره وغيره ....... 
وهناك أيضا الشرفاء من الموظفين .........
الذين يقومون بواجبهم علي أتم وجه ................

وبما أن المدونه دعوه للفضفضه ومحو الجهل القانوني .
فتعالوا معي لعالم المحكمة ...............

   سأخبركم اليوم عن عالم   المحضرين  .....
  المعروف  بقلم المحضرين .......

وياله  من عالم  .... 
ان صح صحت الاحكام كلها وان فسد
- وهذا للاسف الغالب - فسدت الاحكام جلها .......

 قلم  المحضرين هو المسئول عن

اعلان الخصوم بالجلسات والدعاوي  

  والاحكام الغيابيه التي لا يكون لها حجيه الا باعلانها لمن صدرت في حقه غيابيا  

وكذلك الاعلان بالحجوزات الاداريه  

لتحصيل اتعاب المحاماه او الغرامات او مصاريف المحكمة  

او  ارسال  الانذارات بالاخلاء

او بانتهاء مدة العقد القانونيه   وتسليم العين خاليه

أو  انذار  ..............   الخ  

   اذا  وباختصار هذا القلم اخطر الاقلام بالمحكمة ......

المصيبه    بقي 

ان هذا القلم  منبع فساد في اي محكمة  

  بعشرين جنيه واحيانا عشرة جنيهات مصريه لا غير

تستطيع ان تعلن حتي انسان ميت 

اه والله العظيم 

 مهازل ومهازل تحدث 

اعلانات  يتسلمها  الخصوم ولا تصل لاصحابها

ويجدون انفسهم اما احكام نهائيه 

مشمولة بالنفاذ واحيانا النفاذ بالقوة الجبرية
- وما  أدراك  ما القوة  الجبريه دي  عالم  تاني مخيف -

والشكل القانوني سليم الاعلانات معلنه في موطن الخصم

كم من بيوت تهدمت واسر تشردت

باحكام طرد لان المحضر باع ضميره ببضع جنيهات  

ولم يفكر للحظة ماذا سيحل بهذه الاسرة التي ينتظرها الشارع

ولكل قلم محضرين رئيس  قلم

-للاسف في الغالب هو شريف لكن ماذا يفيدنا شرفه اذا كان مرؤوسيه فاسدون  -

  ولكي تصل لحقكك من المحضر عليك التوجه بشكوي مباشرة للنيابه التابع لها   ولكن اذا لم يكن بيدك دليل مادي   فقل علي شكواك السلام .....

ذلك لانها سينتهي بها  المطاف الي الحفظ اداريا تحت بند مادة اثبات حالة 

اظن كده اسودت ؟

لالالالالا  مش للدرجه دي   ...

احنا بندردش سوا ونحكي ونوضح ....

 صحيح شكلها اسود لكن مش للدرجه دي  اكيد فيه خير متخافوش 

 المهم  ملحوظة هامه : اذا رايت المحضر يركب سيارة اخر موديل رغم انه ليس من ذوي الاملاك وان راتبه بالحوافز 1000 او 1500 فلا تستغرب - الرواتب دي  مغالي فيها -

فقلم المحضرين في حد ذاته منبع للثروة لمن يعرف تشغيل وتفتيح الجمجمة .

لي عودة مع  حكايات  من ارض الواقع حدثت   من اقلام المحضرين فيها  ما يظهر الفساد وفيها  ما يظهر ان هناك بقية من الشرفاء 

اشوفكم علي خير ان اراد الله

اطفال الثليثيميا

مساكين هم يتعاطون الدم كالمدمن ولا يرحمهم التامين الصحي ولدوا يعانون من الثليثيميا او امراض الدم وتشمل الكثير والكثير فمنها انيميا البحر المتوسط او الفوليك ومنها تكسير كرات الدم الحمراء او نقص الصفائح الدمويه او البلازما   تتنوع احتياجاتهم وتتفق في انها جميعا تستخلص من الدم .  يعانون ما يعانون من نقل الدم لهم او بالادق مشتقات الدم لهم وما يسببه ذلك من زياده الحديد في الجسم وماله من اثر  فيتعاطون الادويه وحقن الدسفرار لتكسير الحديد  و لا يدعهم التامين الصحي وشانهم بل يتعمد التعقيد ووضع الاجراءات بل وفرض رسوم لاستخراج اوراق تمكنهم كل شهر من اخذ احتياجاتهم من مشتقات الدم علي انواعها ونري المعاناه في الاسر التي ابتليت باكثر من طفل ومواردها شحيحه ومطلوب منها كل شهر عبء توفير نفقات مورد الحياة لطفلهم المريض   فصرخه للمسئولين عن التامين الصحي
 رفقا باطفال الثليثيميا  ارحموهم يرحمكم من في السماء
وصرخة لتلك الطبيبه المتأنقة  العارية الرأس ارحمي اطفال الثليثيميا لعل الله ان يرحمك تخيليهم اطفالك وكوني بهم رحيمه فهم اولي من الروتين اتبعي الرحمة معهم وانبذي الروتين
وهمسة حب للقائمين علي قسم الثليثيميا بمعهد دمنهور الطبي
بارك الله فيكم وما حرمكم من احبابكم وجعل عملكم في ميزان حسناتكم وليت العاملين بالتامين الصحي مثلكم
اللهم اشف اطفال المسلمين جميعا

أمجاد يا عرب امجاد بشهادة الالمان

اسرار  حضارتنا المسروقه في اول فيلم وثائقي الماني يكشف المخطط القذر الذي تسبب في سرقه علومنا وتزوير مصادرها بعد ذلك لتنسب لغيرنا
لا حول ولا قوة الا بالله العلي العظيم

علوم الإسلام الدفينة - الجزء الأول 1


http://www.youtube.com/watch?v=jD0HEFtCKRA&feature=player_embedded
 
علوم الاسلام الدفينه ..الجزء الاول 2

http://www.youtube.com/watch?v=WnaLz2jjHl8&feature=player_embedded

علوم الاسلام الدفينه ..الجزء الثاني 1


http://www.youtube.com/watch?v=OQuw_HXTAy8&feature=player_embedded

علوم الاسلام الدفينه ..الجزء الثاني 2


http://www.youtube.com/watch?v=Psak4bBL7ek&feature=player_embedded

علوم الاسلام الدفينه ...الجزء الثالث 1

http://www.youtube.com/watch?v=gD7SAjUx-6A&feature=player_embedded

علوم الاسلام الدفينه ..الجزء الثالث 2


http://www.youtube.com/watch?v=ra4clJiO0pQ&feature=player_embedded#

ولا حول ولا قوة الا بالله العلي العظيم

مصري افتخر ..سعودي وافتخر .....سوري وافتخر ... يا أمة ضحكت من جهلها الامم

السلام عليكم ورحمة الله وبركاته


والصلاة والسلام علي رسول الله المبعوث رحمه للعالمين






من خلال تجولي في عالم النت ذلك العالم الممتد بلا حدود


استفزتني ظاهرة غريبه الا وهي العصبيه القبليه التي تعود للجاهليه للاسف وصلت في بعض المنتديات للتراشق بالالفاظ النابيه بين جنسيات مختلفة


تناسوا هؤلاء الشباب انهم وان تعددت جنسياتهم في المولد تجمعهم جنسيه واحده لا خلاف ولا فكاك منها الا وهي انهم جميعا مسلمين موحدين بالله


فليكن اذا افتخارنا وعصبيتنا لديننا ورسولنا ليكن تعصبنا وغضبنا للهو في الله فلنصرخ لنقتل عدونا غيظا وكمدا


مسلم – مسلمه ونفتخر بديننا واسلامنا ورسولنا


الا ان الفخر بغير الله والاسلام ذل وهوان ما بعده هوان


فلتفيقوا شباب الامه من تلك العصبيه الجاهليه التي انتشرت وانتشر فيها التراشق بالالفاظ وتناسيتم ان سباب المسلم فسوق وجميعكم للاسف مسلمين


اهان عليكم دينكم الذي فيه عزكم


الم تقرأوا قول رسول الله صلي الله عليه وسلم :


المسلم للمسلم كالبنيان المرصوص


لم يقل الحبيب المصري للمصري او السوري للسوري او او او 0 الخ








كما قال الحبيب :


المسلم اخو المسلم لا يظلمه ولا يحقره 00000الخ


لاحظوا المسلم لم يقل اي جنسيه لان الحبيب جاء ليعلمنا اننا جميعا ابناء الاسلام


فلماذا نحيد عن تعاليم الاسلام


ورب العزة عندما يخاطبنا يقول ( كنتم خير امه اخرجت للناس ) امه ولم يحدد جنسيه ليأمرنا اننا جميعا امة الاسلام لا وجود فيها لمصري او سعودي او لبناني كلنا لا هوية لنا الا الاسلام فافيقوا بالله عليكم رحمكم الله يا من اضحكتم علينا اعدائنا وسهلتم مهمتهم في النيل منا ومن ديننا وانشغلتم بالتفاهات والتراشق وتركتم من يهين ديننا ونبينا


لا حول ولا قوة الا بالله


في ديننا العز والقوة ومع ذلك تابون الا المهانه والتقليل من شاننا والانحطاط في مسالك الشيطان ونترك ثارنا وندير الدوائر علي حالنا


كنا خير امه ووقت كنا علمنا العالم واجبرناه ان ينحني امامنا يومها لم يكن هناك التعصب لم يكن هناك من يقول هذا اخي يمني مثلي او ليبي مثلي بل كان هناك هذا اخي في الاسلام ايا ما كانت جنسيته كان جيش رسول الله والخلفاء والتابعين جيش الاسلام فيه الحبشي واليمني والرومي والمصري واليمني ووووووو الخ ففتحجوا العالم كله لانهم ابناء الاسلام فقط لا غير و لانهم علموا انهم جنود الله والاسلام لا جنود الشيطان كحالنا اليوم


كانوا بحق ابناء الاسلام جنسيتهم الاسلام وطنهم الايمان في قلوبهم لذلك جدوا واجتهدوا واناروا العالم علما ونورا
عندما تقرا عن احد العلماء ممن صنعوا التاريخ سواء في الدين او العلم فاننا لان نسال ما هي جنسيته لاننا لا يهمنا الا ما جاد به الله عليه من علم فافاد به المسلمين والاسلام




ولانهم لم ينزلوا للدرك الاسفل من عصبيه جاهليه لا تفيد الا اعداءنا


عندما اري العرب يتراشقون في المنتديات بالالفاظ ويقعدون لبعضهم كل مسلك لتصيد الفضائح والاخطاء ويسبون بعضهم البعض علي الملاء فانني اتحسر ولا اجد الا ان اقول له :-\


# رغم انفكم جميعكم مسلمون


· رغم انفكم شئتم ام ابيتم جميعكم تجمعكم كلمة لا اله الا الله محمد رسول الله


· رغم انفكم شئتم ام ابيتم لا يكتمل ايمانكم الا اذا احببت لاخيك ما تحب لنفسك واخيك في الدين هو المسلم والمسلم تشمل جميع الجنسيات فعادهم كما شئت فلن يكتمل ايمانك الا بان تحب لهم ما تحب لنفسك


· رغم انفكم شئتم ام ابيتم جميعكم تقومون بنفس الشعائر


· رغم انفكم شئتم ام ابيتم جميعكم تتجهون لقبلة واحدة وتلتزمون بصلوات خمس


· رغم انفكم شئتم ام ابيتم جميعكم ستبعثون يوم القيامه تحت لواء رسول الله امة واحدة لا وجود فيها لمصري او سعودي او يمني 0000 الخ


يا أمه ضحكت من تعصبها الاعمي الاعداء


بالله عليكم افيقوا وعودوا لنهج الكتاب والسنه ففي الدين العز والقوة وفي هدي الحبيب المصطفي كل الرقي والعز


اين نحن من السلف الجليل الذي كان يجود بكل ماله وحياته لاخيه في الدين


لا حول ولا قوة الا بالله
الموضوع بقلمي ورأيي الشخصي ومنتظرة اراءكم وتعليقاتكم




وكل كلمه علي مسئوليتي وتعبر عن رايي الشخصي والله من وراء القصد